У Брэсцкім раёне, за 40 км на поўдзень ад г. Брэста, былі знойдзены мінеральная вада і лячэбная сапрапелевая гразь. Тут жывапісны бераг Рагазнянскага возера (0,97х0,72 км), якое акружана масівам хваёва-ліставога леса, побач прыгожае возера Белае (1,05х0,62 км). На гэтым цудоўным месцы вырашылі пабудаваць клімата-бальнеалагічны санаторый, каб цалкам выкарыстаць патэнцыял мясцовасці.